Celebrating The Life & Times of Scotlands National Bard - Robert Burns

Today being the 25th of January, Scottish people the world over will  be sitting down to a traditional Burns supper of Tatties, Haggis and Neeps in order to commemorate the life and times of Scotland’s national bard – Robert Burns who was born in Alloway 253 years ago - I don't see why I should be any different - Happy Birthday Rabbie 

A Man's a Man For a' That

By Brother Robert Burns

Is there for honest poverty
That hings his head, an' a' that?
The coward slave, we pass him by -
We dare be poor for a' that!
For a' that, an' a' that,
Our toils obscure, an' a' that,
The rank is but the guinea's stamp,
The man's the gowd for a' that.

Wear hoddin grey, an' a' that?
Gie fools their silks, and knaves their wine -
A man's a man for a' that.
For a that, an' a' that,
Their tinsel show, an' a' that,
The honest man, tho' e'er sae poor,
Is king o' men for a' that.

Ye see yon birkie ca'd 'a lord',
Wha struts, an' stares, an' a' that?
Tho' hundreds worship at his word,
He's but a cuif for a' that.
For a' that, an' a' that,
His ribband, star, an' a' that,
The man o' independent mind,
He looks an' laughs at a' that.

A prince can mak a belted knight,
A marquis, duke, an' a' that!
But an honest man's aboon his might -
Guid faith, he mauna fa' that!
For a' that, an' a' that,
Their dignities, an' a' that,
The pith o' sense an' pride o' worth
Are higher rank than a' that.

Then let us pray that come it may
(As come it will for a' that)
That Sense and Worth o'er a' the earth
Shall bear the gree an' a' that!
For a' that, an a' that,
It's coming yet for a' that,
That man to man the world o'er
Shall brithers be for a' that.